Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 80-1} nayam talai māṟuvār māṟuka māṟā
• {KALI 80-2} kayam talai miṉṉum katir viṭu mu kāḻ
• {KALI 80-3} payanta em kaṇ āra yām kāṇa nalki
• {KALI 80-4} tikaḻ oḷi muttu aṅku arumpu āka taii
• {KALI 80-5} pavaḻam puṉainta paruti cumappa
• {KALI 80-6} kavaḻam aṟiyā niṉ kai puṉai vēḻam
• {KALI 80-7} puri puṉai pūm kayiṟṟiṉ paipaya vāṅki
• {KALI 80-8} ari puṉai puṭṭiliṉ āṅkaṇ īrttu īṅku ē
• {KALI 80-9} varuka em pāka makaṉ
• {KALI 80-10} kiḷar maṇi ārppa ārppa cāay cāay cellum
• {KALI 80-11} taḷar naṭai kāṇṭal iṉitu maṟṟu iṉṉātu ē
• {KALI 80-12} uḷam eṉṉā nuntai māṭṭu evvam uḻappār
• {KALI 80-13} vaḷai nekiḻpu yām kāṇum kāl
• {KALI 80-14} aiya kāmaru nōkkiṉai attattā eṉṉum niṉ
• {KALI 80-15} tē moḻi kēṭṭal iṉitu maṟṟu iṉṉātu ē
• {KALI 80-16} uyvu iṉṟi nuntai nalaṉ uṇa cāay cāaymār
• {KALI 80-17} evva nōy yām kāṇum kāl
• {KALI 80-18} aiya tiṅkaḷ kuḻavi varuka eṉa yāṉ niṉṉai
• {KALI 80-19} ampuli kāṭṭal iṉitu maṟṟu iṉṉātu ē
• {KALI 80-20} nalkātu nuntai puṟam māṟappaṭṭavar
• {KALI 80-21} alkul vari yām kāṇum kāl
• {KALI 80-22} aiya em kātil kaṉam kuḻai vāṅki peyartoṟum
• {KALI 80-23} pōtu il vaṟum kūntal koḷvatu ai niṉṉai yām
• {KALI 80-24} ētilār kaṇ cāya nuntai viyal mārpil
• {KALI 80-25} tātu tēr vaṇṭiṉ kiḷai paṭa taiiya
• {KALI 80-26} kōtai paripu āṭa kāṇkum